فضفضة نقاش الايد إللي توجعك إقطعها "kill your darlings"

[DARK SHADOW]

في مصطلح اسمه " kill your darlings "
أو بالبلدي " الايد إللي توجعك إقطعها " !
- يعني لو القميص اللي بتحبه هيأخرك عن شغلك عشان تكويه .. خلاص مش لازم تلبسه !
- لو الأكله اللي بتحبها هتتعبلك معدتك .. خلاص ماتاكلهاش !
- لو المكالمه اللي مستنيها هتضايقك او هتعطلك .. خلاص ماتردش مهما كانت مهمه !
القصد من كلامي أن في مرحلة ف حياتك او لحظة معينة ف يومك لازم تعرف فيها تستغنى عن الأشياء مهما كنت متعلق بيها وبتحبها أو حتى متصور إنك مش هتقدر تعيش من غيرها ،
لإنك ببساطه هتتفاجىء إنك قدرت تعيش من غيرها !!!
طبعاً هتزعل وتضايق وتمر بأعراض إنسحاب في البداية بس في الأخر هتلاقي نفسك خفيت و رجعت انسان طبيعي من تاني..
ف يا ريت تتعلم تقدر تستغني عن أحب الأشياء ليك واللي عارف انها بتأذيك ،
أكيد كلامي لا يقتصر على قميص او مكالمة او أكله !!
حياتنا مليانة قرارات مؤجله لازم ناخدها وقرارات مصيرية بنهرب منها ، بس لمجرد إننا مش قادرين نقتنع إننا نقدر نستغني عنها!!!
(بمعنى آخر) في أشخاص بنوهم نفسنا بحاجتنا ليهم ودايماً بنحطلهم اعذار وبنديلهم فرص .. بس لأمتى؟
أحياناً بيكون ضروري أنك ترخي ايدك عن حاجات اتعودت انك تمسك فيها
عشان تقدر تكمل حياتك بشكل طبيعي